سؤالي عن قسم ادارة أعمال..:)

[أمل الغد]

|؛¤ّ,¸¸,ّ¤؛|السلام عليكم ورحمة الله وبركاته|؛¤ّ,¸¸,ّ¤؛|


هلا والله ..


معليش أنا حابه أستفسر عن قسم ادارة الأعمال..

هل فيها سنه تحضيريه في جامعة الامام..؟

وهل اذا كان فيه سنه تحضيريه تكون دراسه المواد بالانجليزي.. مثل الحاسب الآلي..؟



وش أحسن دراسه للتخصص في الجامعات اللي بالرياض (سعود ولا الامام ونوره)؟




وهل له مستقبل؟

وش الفرص الوظيفيه للمرأه بعد التخرج من القسم؟


وكم النسبه اللي احتمال يقفل عندها للتحفيظ والعلمي؟


وكم ياخذون من القدرات والتحصيلي والثانوي..؟


مشكووورين ماتقصرون..

[الجوهره عبدالله بن باز]

السلام عليكم ورحمة الله وبركاته
بالنسبة لكلية إدارة الاعمال في جامعات الرياض يلزم لها سنة تحضيرية وتدرس بها الطالبة مقررات باللغة الانجليزية والجامعات جهة تعليمية وليست وظيفية بعد التخرج الطالبة تبحث في سوق العمل ,
بالنسبة للنسبة المطلوبة هي المركبة تجدينها على موقع البوابة في دليل القبول الارشادي :
www.rgu-admit.net

[الجوهره عبدالله بن باز]

ملاحظة :
كلية إدارة الاعمال يقبل تخصص علمي

[أمل الغد]

مشكوره قلبي..

يعني أفهم من كلامك ان ادراة أعمال الريض والمواد الثانيه راح ندرسها باللغة الانجليزيه..




تعليقي على الملاحظه..

هذي صوره تنفي كلامك.. أنا ماجبته من عندي..




من موقعكم لكن أنا أسأل عن التحفيظ هل يعتبر من الأدبي ولا التحفيظ شيء والأدبي شيء ثاني..

لأن مره ثانيه جلست أقرأ الجدول طلع لي هذي الصوره..




والله دخت تكفون عطوني الجواب النهائي..


والشيء الثاني الجداول هذي والنسب اللي تقبلها جديده ولا حقت العام..؟

اذا جديده فهي تنفي كلام البعض في المنتدى..؟

والله انحسنى ياليت يكون توافق بين اللي منزل وكلام البعض.

أنا ما أقصد أحد بعينه لا.. الكلام عمومي ماهو خصوصي لأحد..

أتمنى أن يجيب على استفساري شخص فاهم للجامعات..

ومشكوره قلبي الله يجزاك الجنه يارب ويحرم عن وجهك النار..

[طيف]

..
إدارة الأعمال بالإمام فيها سنة تحضيرية ودراستها بالعربي وفيه مواد إنجليزية
وش احسن دراسة بالنسبة للجامعات تقريبا كلها نفس بعض مافيه فرق شاسع
وباقي الأسئلة روحي لمنتدى احد الجامعات وادخلي منتدى الكلية اللي تبين وأسئلي وتلقين الإجابة بإذن الله