التعديل في استمارة طلب الالتحاق

[مالكة القلوب]

السلام عليكم ورحمة الله وبركاته


في استمارة طلب الالتحاق فيه خطأ واوريد تعديله
ارجوالرد بسررررررررررعه

[ندى_-_]

اش الخطء

[مــلآك]

وش هو؟

[مالكة القلوب]

الخطأ هو
1-تاريخ الحصول على الشهادة الثانوية : 1426-1427 هــ
والصحيح انه1431-1432هـ
2-هل أنت من الأسر المستفيدة من الضمان الإجتماعي؟ : لا
والصحيح انه نعم

[ندى_-_]

اووووووووووووووووووووووووووووووووووووووووووووووووو وووووووووووووووووووووووووووووووووووووووووف
قوية

[ندى_-_]

اجل روحي بنفسك اوكلميهم بالتلفون
وستفسري لكن ما اعتقد يفصلونك بهالسبب

[الرايقة]

طيب وش رايتس أذا طبعتيها أنتي زينيها بقلم أسود أهم شي تصير معلوماتس صحيحة

ولا مايصلح؟

[مالكة القلوب]

شكرا على الرد حبيبتي
لكن ابغى مشرفه تردعلي بسرعه

[مالكة القلوب]

وينكم يامشرفات ابغى الرد بسرررررررررررررررررررررررعه

[نوف المطيري]

حبيبتي روحي لعماادة الجامعه المقبووله فيهاا سهله

[أروووى]

انا نفسسسسسك

ابي اعدل بس مو قادررررة

حتى انا حطوا لي 26/27

الخطأ منهم ترى موو مناا

مادري وش الحل

راسلتهم ع الاييميل ولا ردوا

[قصة شتآ]

يقولون في اخطاء كثيره في التسجيل الالكتروني:(

[مالكة القلوب]

طيب وش رايتس أذا طبعتيها أنتي زينيها بقلم أسود أهم شي تصير معلوماتس صحيحة

ولا مايصلح؟

اخاف يكون تزوير والله خاااااااااايفه

[نوف المطيري]

لا روحي للجامعه لا تعدلينها بقلمك اخااف يسون سالفه ويقولون خطاا

[مالكة القلوب]

حبيبتي روحي لعماادة الجامعه المقبووله فيهاا سهله

طيب اوقعها اذا طبعتها او اذا رحت لهم وعدلوها

[ندى_-_]

شوفي حبيبتي لا تخافين اهم شي انك مقبولة ترا ممكن ما كنتي دقيقة في تسجيل عادي مشكلة بسيطة
لا تخافين روحي للجامعة لاااازم اذا الحين عادي المشكلة اذا بعدين

[نوف المطيري]

اطبعيها وروحي فيها لهم .. قبل توقعين واذا عدلوها وقعي عاادي عندهم .. الله يعينك ومووفقه يارب

[مالكة القلوب]

شكرا لكم
والله ييسر امر كل وحده ردة علي ويوفقها

[R-Greeb]

عزيزتي

عليك بطباعه استمارة الترشيح وتكون موقعه من الطالبه و ولي امرها ثم ارسالها دون تعديل لان لدينا لجنه تدقيق ستعالج المشاكل

وبالتوفيق

[أروووى]

عزيزتي

عليك بطباعه استمارة الترشيح وتكون موقعه من الطالبه و ولي امرها ثم ارسالها دون تعديل لان لدينا لجنه تدقيق ستعالج المشاكل

وبالتوفيق

الله يعطيك العافية ع الرد

بالنسبة لي انا اواجه نفس المشكلة

وخائفة ان يحاسبونا لاننا وقعنا على ان المعلومات صحيحة وهي ليست صحيحة(اقصد شهادة الثانوي26/27)

[فاطمة الشبل-جامعة الإمام]

أفضل

ضعي ورقة بداية الملف وضحي فيها المشكلة ( اختلاف تاريخ الثانوية) عند ارساله بالبريد

ولا حاجة لمراجعة الجامعة لمثل هذا الخطأ .

ويتم تدقيق الملفات من لجان في كل جامعة وفي حال الحاجة لمراجعة الطالبة يتم الاتصال عليها

بالتوفيق