املي بالله ثم انتم ،، لا تخلوني محتاجه لجميع اقتراحاتكم :(

[ربي سبحانك]

السلام عليكم ورحمة الله وبركاته

اتمنى الجميع بخير

أولا ،،

بقوول لكم حالتي وابي الجميع يسساعدني وابي اقتراحاتكم واللي بتكوون عاارفه بحالتي تكفون لا تبخلون علي لو بأصغر معلومة


أنا مقيمة بالكويت ولكن سعودية الجنسية حياتي كلها بالكويت حتى ابوي من صغير بالكويت يعني مانعرف احد بالسعوديه

او حتى واسطات

انا دراستي كويتيه وكنت خريجة هالسنه ثانوية عامه

نجحت ولله الحمد بنسبة 81 قدمت لقدرات جامعة الكويت ونجحت وحاليا مقدمه ع القبول بالجامعة وبتنزل النتيجه اخر الشهر

وطبعا النسبه ما تدخلني العلوم الطبيه بالكويت

وانا حابه ادرس بالسعوديه بكلية طبيه سوآء طب بشري او صيدله وقالولي شهادة الكويت اقوى من السعوديه يعني نسبتي بتساعد ادخل جامعات السعوديه

ولكن بما اني سعوديه اكيد مطلوبه امتحانات القدرات السعوديه والقياس وانا مو عارفه شي فيهم

وبصراحه مدحوا لي واايد جامعة الاميرة نوره لكن ما لقيت شي يفيدني عنها

وما حسيت بالثقه تجاه اي منتدى غير هالمنتدى كتبت لكم سالفتي

وابي مسساعدتكم واقتراحاتكم

والله يفتح عليها وييرزقها اللي بتساعدني بجد محتااره وتعبت من سالفة الجامعه

وبالتوفيق للجميع

اختكم ،، أنوآر

[بسمه]

وعليكم السلام
عزيزتي انوار
التقديم على الكليات الصحية انتهى يوم الجمعه الماضي
(وعليك الاخذ بالاعتبار للتقديم على الجامعات السعودية يشترط دخولك امتحان القدرات والتحصيلي )

[ربي سبحانك]

طيب يصير فصل ثاني ،،

وكيف طريقة الاختبار ومتى موعده القادم ،،

واسفه ع الازعاج :s

[بسمه]

لمعرفة موعد الاختبارات القادمة عليك مراجعة موقع المركز الوطني للقياس والتقويم في التعليم العالي على هذا الرابط
http://www.qiyas.org/Qiyas/info/Default.aspx

للاسف القبول للعام الدراسي كامل ولايوجد فصل ثاني
عليك الاطلاع على دليل القبول للجامعات في موقع البوابة
http://w1.rgu-admit.net/
بالتوفيق

[ربي سبحانك]

حبيبتي يعطيج العافيه ما قصرتي

بس يبيله قعده مواعيد الاختبار ماني فاهمه شي

[ندى_-_]

81 !!!
حتى لو من الكويت ما اعتقد
الله يوفقك انشا الله يقبلونك بس طب لا مستحيل مرة تاخرتي ودرجاتك ما تدخل
انتي ما قريتي مواضيع البنات الي يسالون عن النسبة المركبة للطب ويشكون انا اعرف انة قليل عدد طلاب الطب بالسعودية
عشان كذا حتى 99 % ما تدخل طب الا بالقوة

[خلود محمد]

حبيبتي الخيرة فاللي يختاره لك ربي
اذا طلع قبولك فالجامعة عندكم خير وبركة عصفور فاليد ولا جامعات الرياض اللي ع الشجرة
واذا انتي مصممه ع الطب فيه كليات اهلية سجلي فيها..

وبالتوفيق يارب

[ندى_-_]

ترا في منح في السعودية وهي انك تدخلين جامعة اهلية يمكن 70 الف او اقل او اكثر حتى حسب الكلية (طبعاً اهلية)
وبعدين اذا جبتي نسبة ممتازة انتبهي لكلمة ممتازة يرجعولك فلوسك بس كل سنة لازم تجيبين نسبة ممتازة وتراها بدون مكافئة اقري بالنت
شكلة ابوكي مو دبلوماسي ولا لا؟لانة لو دبلوماسي تدرسين بعثة بالكويت بسهولة
وممكن تدرسين بالكويت احسنلك صراحة
بالتوفيق

[منيره التميمي]

الكليات الصحية لازم تكون نسبة الثانوي فوق ال90
ولازم تختبرين قدرات و تحصيلي و انتي ما اختبرتي تحصيلي
بالتوفيق ...