اللي عنده جواب لي يساعدني :(

[نوف العمير]

اول الشي السلام عليكم

انا عندي استفسار عن شي بالرغبات

يعني انا اول رغبتين عندي هي الطب وحده " كليه الطب في جامعة الملك عبدالعزيز للعلوم الصحيه "
والثانيه " السنه التحضيري للكليات الصحيه بجامعه الملك سعود "

بعدين حطيت المسار العلمي لجامعة الاميره نوره




اللي ابي اسأل عنه انه لو مثلا انقبلت بأول رغبه وجت المقابله ولانجحت فيها وش بيصير لي ؟؟
يعني اكيد الرغبه الثانيه وقت مقابلتها خلص

الي ابي افهمه انه وش يحطوني يعني يخلوني بجامعة الاميره نوره .. او انه يروح علي التسجيل


الله يخليكم جاوبو ولله تأزمت وانا اسأل ولا احد عطاني جواب مفيد

وللي عنده جواب لايبخل فيه

واكون شاكره لكم خواتي..

[علوي الزهراني]

والله ما اعرف ...

بس ان شاء الله الاخوات يفيدونا ...


وبالتوفيق يارب ودعواتك لي انقبل ...

[بنت البدر]

ماتوقع جامعة نورة فيهآ مقابلة شخصية

ماسمعت ^_^

[باذن الله ترجمه]

اللي اعرفه ان جامعه الملك سعود كليات الصحيه فيها مقابله شخصيه
غيرها ما اعرف

[أعذب بهجة]

أهلين عزيزتي

أولا إذا تم قبولك في جامعة سعود بن عبد العزيز و رشحتي للمقابلة و لم تنجحي

في هذي الحالة تفتح لك الرغبات مرة أخرى و تعبينها ..

لأن قبول الكليات الصحية قبل ..

و هذا يعني إنك بتقدمين على باقي الكليات

لكن لا تخافين ان شاء الله المقابلة مرة سهلة

و ما أتذكر ان أحد رسب فيها من إلي أعرفهم

و الله ييسر لك

[انجاد]

طيب اذ المقابلةالكليات الصحية فاتت لي اي سبب او ماسوت الطالبة المقابلة وش الوضع ردو

[Maha.]

^
^
اذا ما انقبلتي في الكليات الصحية، يصير الوضع انك تنقبلين في الرغبات الأخرى اللي غير الكليات الصحية، اللي هي باقي الكليات واذا ما انقبلتي في الصحية تقدرين ترجعين على رغباتك وتعدلين عليها وترتبينها لو بغيتي، وتنقبلين في وحدة منهم
لكن ما ادري اذا قدرتي تقدمين عذر انهم يعيدون لك المقابلة هل يقبلون أو لأ، ماعندي فكرة
بالتوفيق