فتحت البوابة

[الجوهره عبدالله بن باز]

عزيزاتي وبناتي الطالبات لقد فتحت بوابة القبول الإلكتروني الموحد ولله الحمد بإمكانكن التقديم عليها واقرأن التعليمات جيدا بارك الله فيكن ووفقكن إلى مايحبه ويرضاه

[طآلبة]

ابي استفسر يالغلا ..

الحين اذا ابي اسجل في الجامعات

كتبت رقم السجل المدني ..

وطالبين درجة اختبار القدرات وكتبتها بس مو راضي اسجل

وش يقصدون فيها بليييييز وربي منقهههره ..

عوآفي ..^^

[همــــس]

مرحبا
انا بعد يا استاذه دخلت الموقع وسجلت رقم السجل المدني بس طالبين درجة اختبار القدرات

وش يقصدون فيها .؟؟؟؟

بليز ردو

[الجوهره عبدالله بن باز]

درجة القدرات التي حصلت عليها من القياس تكتبين الدرجة الأعلى سواء الإختبار الأول أو الثاني أهم شي القدرات وليست التحصيلي

[همــــس]

جزاكي الله الف خير ...

دمتي لنا ودامت عطاياكي الخيره..

[مسآآآعدة]

أحط أي درجة بالقدرآت...؟؟

الأولى أم الثآنية..؟؟؟

ولآ أخذ أفضل وحدة..؟؟؟

[اخت حتومي]

بالتوفيق للجميع

[الجوهره عبدالله بن باز]

ضعي الدرجة الأفضل

[حام دكتوره]

يا استاذه مهم جدا انا مسجله السنه الي فاتت ادخل تقديم سابق ولا تقديم جديد

[يااااارب]

وضعت جميع رغباتي و مازال يقول اقل من عدد الرغبات المسموح بها وهي 30 رغبه

كيف من وين انا اجيب 30 رغبه!!!!!!!!!!!!

ارجوا الرد بسرعه :(

[الله يوفق الكل]

حام عزيزتي لاطبعآآ تسجيل جديد هذي سنه جديدة وان شاء الله فال خير عليك الي راحت مالك فيها ^_^ ..

يارب حببتي اجباري تحطين 30 رغبة وان احسن لك مازيدتي تزدين فرص القبول لك موفقين ياحلووات ربي يناول لكم مرادكم يارب العالمين ويسير لكم ولا يعسر...

[كبرياء انثى]

طيب اقل عدد رغبات ؟؟؟

[حام دكتوره]

مشكوووره الله يعطيكم العافيه

[رآويه]

السلام عليكم..

حابه اسأل عن القدرات اللي تقولون اختبارين ؟؟ ماني فاهمه !!

أنا اختبرت اختبارين بس في شهر جمادى اخر ورجب

اختبار القدرات العامة للتخصصات العلميةرجب 1431هـ

اختبار القدرات العامة للتخصصات العلمية جمادى الآخرة 1431هـ


ماني عارفه ايش احط في خانة التسجيل لاختبار القدرات ..؟؟!






ثاني حاجة :

أنا لما أدخل على موقع قياس وادخل على الاستعلام عن النتائج يطلع لي نتائج اختبار قدرات عامة طلاب وطالبات لما ادخل عليها يطلع لي نتيجة اختبارين في شهر رجب وشهر جمادى اخر .!!


اما اذا دخلت على نتائج الاختبار التحصيلي للطلاب والطالبات يطلع لي نتيجة وحدة بس رجب 1431هـ الاختبار التحصيلي للتخصصات العلمية




الله يخليكم أنا محتاسة وماني عارفة ايش اسوي بلييز ردوا ..

[باذن الله ترجمه]

حطي افضل درجه لاختبار القدرات حقك

[رآويه]

اي قدرات؟؟؟!!!!

[اسوووم]

السلام عليكم
لوسمحتو انا اسجل ونسبي القدرات فيها فاصله ولا قبل يقول غلط وش اسوي الله يجزاكم الجنه

[حلآهآ غير]

اي حتى وحده من قريباتي كذآ ححرآم تحطمت
مو رآضي يقبل القدرات كله يقول غلط وهي متأكده :(:(

[باذن الله ترجمه]

الافضل منهم الاول او الثاني

[جامعية بأذن الله]

السلام عليكم ورحمة الله وبركاته..
يسعدلي مساك استاذتي وربي يجزاك كل خير على مجهودك..
لو تكرمتي انا دخلت ع الموقع وسجلت رغباتي وكل شي الحمد الله سهاله من ربي
وماواجهتني اي مشكله
بس استغربت من حكي البنات انه طلب منهم درجات القدرات لأني لما بديت ادخل بياناتي لقيت
درجاتي التحصيلي والقدرات موجوده بس اضفت نسبة الثانوي
ابي اتطمن بس انه ماعندي مشاكل فالتقديم ولا عليك امر..

ودعواتك لنا بالتوفيق والسداد دنيا وآخره..

[رآويه]

اي واحد تقصدين ؟؟

اللي اعرفه ان الاختبار الاول اسمه قدرات عامة اختبرناه في شهر ستة وكان مقسم الى 4 اقسام
اما الاختبار الثاني اسمه تحصيلي اختبرناه في شهر سبعة وكان مقسم الى 6 اقسام
هل احط القدرات ولا التحصيلي ولا المجموع حقهم ؟؟؟؟؟

[باذن الله ترجمه]

لالالا مين قال؟؟؟؟ الاختبار الثاني كان قدرات وتحصيلي

[رآويه]

طيب انا ايش اسوي الحين؟!!!!!

[جامعية بأذن الله]

يابنات انا بديت اشك بنفسي وسوستوا فيني
انا بقولكم اش سويت وقولوا لي اذا اللي سويته صح ولا فيه شي ثاني
لأني اتبعت التسجيل خطوه خطو..
1\السجل المدني وكلمة المرور
2\بياناتي الشخصية
3\المراحل اذا صحي وباقي الكليات او باقي الكليات بس
4\ترتيب الرغبات وحفظها
5\جاني الأستبيان وعبيت النموذج وبسسس
بعدها ماعاد جاني شي كذا تمام ولا فيه شي انا مااااعرفه بلييييييييز قولوا لي..؟؟

[اسوووم]

تكفون ردو علي مين صار معها كذا ورجع يضبط

[اسوووم]

تتوقعون لاني ممتحنه القدرات من سنتين اول ماتخرجت

[رآويه]

جامعيه اختي :

انتي طالع لك في البدايه مع التسجيل ادخال السجل المدني ودرجة اختبار القدرات ولا لا؟؟

لان هذا اللي حايسني مادري ايش ادخل؟؟

[خيـآل]

بنـآآت..
أنا اخترت الرغبات و بعد ما حفظتها .. سجلني خروج..
و بعدها سجلت دخول ورحت للرغبات بشوف حفظها ولا لا.. لقيتها فاضيه ما كني عبيتهم بسس ع طول انتقلت للإستبيان و ما عدت الرغبات!!
اللحين رغبات ثبتت ولا اعيد اختارها :( ؟؟؟

[جامعية بأذن الله]

مررحبا بنات

رآوية

انا طلع لي مع السجل المدني القدرات بس البنات قلبوا مخي قالوا اشياء ماطلع لي منها اي شي
بس ان شاء الله مايكون عندي مشاكل واستنى رد الأستاذه الجوهره..

خيآل

حبيبتي لازم تنحفظ لك الرغبات ويرسلون لك مسج ع الجوال انه تم حفظ رغباتك وعددها 50 انتي تعبين 30 والباقي
النظام يعبيها من نفسه عشان تكتمل لك 50 رغبه..
انتي لما تعبين الرغبات ال30 حطي حفظ الرغبات وراح يجيك مسج على طووول ع الجوال

اتمنى اكون افدتكم والله يوفقني وياكم يآآآآآآآرب

[يارب افرجها]

والله العظيم اني ابكي :( :(

تكفوون ساعدوووونيواللي يخليكم

انا انطوى قيدي في كليه وسحبت ملفي هالسنه واللحين اسجل رقمي السجل المدني والقدرات مايفتح والله اني انهرررت

تكفيييييييين ساعدييني داخله على الله ثم علييييييييييييييييييييييييييييييك

[زبيده]

[ يا استاذه انا ماطلعت
نتيجة الاختبار الثاني للقدارات وش اسوي

[اسوووم]

تكفووووووووووووووووووون
الله يسعدكم وربي تحطمت وش اسوي عيا يقبل نسبتي القدرات وش الحل

[يارب افرجها]

نفسسسسسسسس حالتي انا ماقبلني ولادخلني الصفحه والله تعبت وانا احاوووووووووووووووووووووووول

[جامعية بأذن الله]

يابنااااااااااااااات الله يرضى عليكم حبايبي استهدوااا بالله
ربي ان شاء الله ييسر اموركم ويسهل عليكم
انا بعد احاول اسجل لبنت عمي وصاحبتي مو راضي
احنا ماندري اش المشكله بس اتوقع انه فيه ضغط ع الموقع لاحظوا
انها مو وحده ولا ثنتين اللي بيسجلون بنااااااااااات الرياض كلهم يعني ان شاء الله
راح يخف الضغط ويتم التسجيل بس كل وحده لما تسوي الطلب حقها تسويه بهدوء بدون ماتنسى شي
وترتيب الرغبات تختارون 30 رغبة وتسوون لها حفظ وبعدين النظام راح يضيف عشرين رغبة عشان تكتمل
وتأكدوا انه تجيكم رساله تأكيد ع الجوال بأن الرغبات انحفظت..

ان شاء الله اكون افدتكم لو بالقليل وفأنتظار استاذه الجوهره
الله يوفقني وايااااكم ويكتب لنا اللي فيه الصلاح لدنيتنا وآخرتنا..

[تهليل النشوان]

استااااااااااااااااااااذتي

في تخصصات مو موجووده !!!!!!!!!!!!!!!!!!
مثل الانقلش في الامام
ونوره !!!!!!!!!!!

شلون يعني

[متلخبطييين]

ارجو المساعده والافاده من الاستاذات

انا سجلت وكانت نسبة التراكمي موجوده من الاصل .. يعني انا لم اكتبها

لكن هي مكتوبه 99.4
وفي الشهاده 99.40

هل الصفر لا يحسب .. وهل فيه فرق بين 40 و 4

هل معنى ذلك انه لا يؤثر على بياناتي ؟

او له تأثير

افيدوني جزيتم خيراً

[طموحي]

بالتوفيق

[ماخاب من قال يارب]

السلام عليكم ورحمه الله وبركاته
أهلللن بنات
ربي يوفقكم ويسعدكم وييسر لكم التخصصآت اللي تتمنونها

حبيبآتي حبيت أسألكم
أنا منطقه غير الريآض والتقديم عندنا يبدأ الاسبوع الجآي -بإذن الله-
وحآبه أقدم على جآمعات الرياض قبل ينتهي التسجيل لأني خايفه مايقبلوني باتخصص حلو بمنطقتنا وخآصه ان التخصصآت عندنا قلييييله بالمره
وأبغى أعرف اذا يتعارض اني أسجل في الجامعتين ؟

وشئ ثآني <<ماتنعطى وجه :)
بالنسبه للرغبات سمعت انهم يبدون بالرغبات الأولى بعدين الأخيره بعدين يرجعون للوسط
هل هذا صحيح؟

الله يسعد اللي بترد علي
وابنتظارك أ. الجوهره

[ماخاب من قال يارب]

--------------------------------------------------------------------------------

السلام عليكم..
حابه اسأل عن القدرات اللي تقولون اختبارين ؟؟ ماني فاهمه !!
أنا اختبرت اختبارين بس في شهر جمادى اخر ورجب
اختبار القدرات العامة للتخصصات العلميةرجب 1431هـ
اختبار القدرات العامة للتخصصات العلمية جمادى الآخرة 1431هـ
ماني عارفه ايش احط في خانة التسجيل لاختبار القدرات ..؟؟!
ثاني حاجة :
أنا لما أدخل على موقع قياس وادخل على الاستعلام عن النتائج يطلع لي نتائج اختبار قدرات عامة طلاب وطالبات لما ادخل عليها يطلع لي نتيجة اختبارين في شهر رجب وشهر جمادى اخر .!!
اما اذا دخلت على نتائج الاختبار التحصيلي للطلاب والطالبات يطلع لي نتيجة وحدة بس رجب 1431هـ الاختبار التحصيلي للتخصصات العلمية
الله يخليكم أنا محتاسة وماني عارفة ايش اسوي بلييز ردوا ..

حبيبتي رآويه (l)
أول شئ لاتربكين نفسك وتوكلي على ربك واللي كاتبه ربي بيصير
حبيبتي انا اختبرنا اختبارين واحد بشهر جمادى كان بس قدرات اربع اقسام
والثاني كلن بشهر رجب وكان اختبارين قدرات قسمين وتحصيلي أربع اقسام
انتي اذا دخلتي موقع قياس يطلع لك نتيجه القدرات الأول اللي بشهر جمآدى والثاني اللي بشهر رجب
ويطلع لك بعد نتيجه التحصيلي اللي بشهر رجب بس لأننا مااختبرنا تحصيلي الا مره وحده بس
انتي اذا جيتي أول ماتسجلين يطلب السجل المدني ونتيجه القدرات طبعا القدرات هنا تختارين الأفضل من الاختبارين اللي بـ جمآدى و اللي بـ رجب وإذا ضغطتي موافق بيطلع لك هو درجه التحصيلي واسمك ودرجه التراكمي <<أنا طلع لي كذا
أتمنى تكوني فهمتي علي :)

[نوره السالم]

انابعد مثل يارب افرجها
انطوى قيدي وابي اسجل ومدري وش السالفه
بس الحين انتو علموني اكتب النسبه المركبه
الي انجمعت بعد القدراوت التحصيلي ولا
بس القدرات

[ماخاب من قال يارب]

أختي نوره (l)
اللي أعرفه انك اذا جيتي تدخلين القدرات تدخلينها لوحده بدون ماتجمعين شئ
ونسبه المدرسه هم يطلعون لك النسبه اللي باالتراكمي يعني ثاني وثالث مع بعضأو اذا ماطلعت انتي تدخلينها
أتوقع انك ماتجمعين شئ أبد ولاتدخلين المركبه لأن المركبه على حسب الجآمعه اللي بتقبلك
يختلف بين جامعه نوره وسعود

[نوره السالم]

يعني مااحط لامركبه ولاتحصيلي بس
احط القدرات

[جوداحمد]

السلام عليكم الساعه كم يفتح التسجيل مع الشكر والتقدير

[الليدي سارآ]

البنات إلي عيا يقبل نسبة القدرات لااااتحطون فاصله حطو نقطه .

مثلا إذا كانت نسبتك 80,32 % دخليها كذا >> 80.32 بدون علامة النسبه (%) ومو الفاصله, النقطه .

جربوا

[منتهى الماجد]

يناااااااااااااااااااس ياعاااااااااااااااالم شوفوووووا لي حل الموقع رافض يمشي معي يطلع لي كذااا
درجات الطالب غير صحيحة بعد مقارنتها مع البيانات الواردة من المركز الوطني للقياس و التقويم في التعليم العالي
بسرررررررعه بليز شوفوا لي حل...........!!!

[ح ـنين]

يابنااااااااااااااات الله يرضى عليكم حبايبي استهدوااا بالله
ربي ان شاء الله ييسر اموركم ويسهل عليكم
انا بعد احاول اسجل لبنت عمي وصاحبتي مو راضي
احنا ماندري اش المشكله بس اتوقع انه فيه ضغط ع الموقع لاحظوا
انها مو وحده ولا ثنتين اللي بيسجلون بنااااااااااات الرياض كلهم يعني ان شاء الله
راح يخف الضغط ويتم التسجيل بس كل وحده لما تسوي الطلب حقها تسويه بهدوء بدون ماتنسى شي
وترتيب الرغبات تختارون 30 رغبة وتسوون لها حفظ وبعدين النظام راح يضيف عشرين رغبة عشان تكتمل
وتأكدوا انه تجيكم رساله تأكيد ع الجوال بأن الرغبات انحفظت..

ان شاء الله اكون افدتكم لو بالقليل وفأنتظار استاذه الجوهره
الله يوفقني وايااااكم ويكتب لنا اللي فيه الصلاح لدنيتنا وآخرتنا..



بارك الله فيك أختي ..

صرااحه ما انتبهت للرغبات انها تضاف تلقائي و تصبح 50 ..



الله يوفق الجميع



:)

[المبرطوره]

انا دخلت ويقول القدرات غير متطابقه

[مجروحه وتكابر]

السسسسسسسسسسلام عليكم

اناا قدمت ع البوابه الاكترونيه وكل شششششششششششششششششششي تمام

ماعدا الرغبات .. هو طلع لي الرغبات المتاحه مع درجاتي وعلما الرغبات المتاحه لي 27 بسسسسسسسسسس
ولما احط حفظ الرغبات يقول العدد اقل من المسموح وهو 30 .. كيف اجيب الباقي وهو مو مطلع لي الا 27 ومو راضي يقبل الا بـ 30 تكفون سسسسسسساعدوني والله شوي وببكي وتعبت وطفشت منه

قهرررررررررني ساعدوني بليز


اعيد واكرر مو مطلع لي الا 27 رغبه ويبي مني 30 كيف ازيدهم وهو مالي مجال !!!!!!!!!!!!!!!


بليز لاتتركوني كذا

اسسسسستني الرد

[هلا]

السلام عليكم ورحمة الله وبركاته ...
الحين انا ابسأل التسجيل فتح من امس صح ؟؟ الحمدلله انا سجلت وخلصت ..
بس ليش التلفزيون >> قناة الاخباريه .. وليش كل الجرايد يكتبون فتح البوابه للطالبات يوم الثلاثاء ..
يعني اللي سجلت يوم الاثنين يعتبر تسجيلها غلط ولا وش السالفه ؟؟
علماا بأنه وصلني 3 مسجات ..
مشكورين مقدمااا ..

[صمتي كلام]

شكرا

[صمت الكلام]

بنات الله يرضى عليكم ابي استفسر عن شغله مهمه

الي تعرف ترد علي الله يجزاها الجنه

الحين اقدر اسجل بجامعه الرياض والخرج في نفس الوقت

ولا جامعه وحده بس الله يسعدكم افيدوني

[باذن الله ترجمه]

تقدرين تسجلين في اللي تبغيين

[صمت الكلام]

متاكده ي الغلا

لانو سالت بمنتدى ثاني قالو اذا سجلت في الجامعتين الرياض والخرج يروح عليك الثنتين وانا ابي خبر اكيد

[جامعية بأذن الله]

متاكده ي الغلا

لانو سالت بمنتدى ثاني قالو اذا سجلت في الجامعتين الرياض والخرج يروح عليك الثنتين وانا ابي خبر اكيد

عادي ياقلبي تقدرين تسجلين فأكثر من جامعه
بس لو كنتي تدرسين بجامعه وقدمتي بجامعه ثانية هنا المشكله..

اتمنى لك التوفيق حبيبتي

[جامعية بأذن الله]

السسسسسسسسسسلام عليكم

اناا قدمت ع البوابه الاكترونيه وكل شششششششششششششششششششي تمام

ماعدا الرغبات .. هو طلع لي الرغبات المتاحه مع درجاتي وعلما الرغبات المتاحه لي 27 بسسسسسسسسسس
ولما احط حفظ الرغبات يقول العدد اقل من المسموح وهو 30 .. كيف اجيب الباقي وهو مو مطلع لي الا 27 ومو راضي يقبل الا بـ 30 تكفون سسسسسسساعدوني والله شوي وببكي وتعبت وطفشت منه

قهرررررررررني ساعدوني بليز


اعيد واكرر مو مطلع لي الا 27 رغبه ويبي مني 30 كيف ازيدهم وهو مالي مجال !!!!!!!!!!!!!!!


بليز لاتتركوني كذا

اسسسسستني الرد

وعليكم السلام ورحمة الله وبركاته..

اول شي الله يتمم قبولك على خير والجميع يارب
ثانيا ياقلبي يمكن انتي اخترتي جامعه معينه عشان كذا طلعت لك رغبات محدوده
بس اقووووول واكرررر لا تحددين جامعه وحده اختاري الكل ماتدرين وين الخيره واللي ربي كاتبه لك بيصير ان شاء الله
بعدها اختاري اللي تبغين والنظام يكمل لك الباقي
توكلي على الله من توكل على الله فهو حسبه ولاتبكين ولا تطفشين ولا تتعبين ولا شي هدي اعصااااابك
والحمد الله انو سجلتي غيرك مافتحت معاهم البوابه..


الله يوفقنا وياك اتمنى اكون افدتك..

[مجروحه وتكابر]

هلا حبيبتي ..


مششكوره ياقلبي ..

بسس انا اخترت الكل ماحددت جامعه وحده .. بسس مو راضي يزيد لي الاقسام عششان احدده 30 واسوي حفظ الرغبات ..

بس 27 ومتنح معي من الظهر وانا احلو لحد اللحين ..

بس كذا اكون سسجلت ولالا !!! وانا ماحددت القسسم :( !!

استنى ردك ياقلبي

[جامعية بأذن الله]

طيب اخترتي انتظام وانتساب ولا لا والترمين الأول والثاني؟؟
واخترتي صحي وباقي الكليات ولا اخترتي باقي الكليات بس؟؟
واخيرا شوفي اذا جاك مسج ع الجوال بأنه تم حفظ الرغبات وعددها 50 معناة انه انحفظت رغباتك...

انتظر ردك

[ودي أدرس]

السلام عليكم ..
بنات أرسل لموقع البوابة من إيميلي؟؟؟؟؟
ولا من وشو
كيف أرسلتوا لهم من إيميلاتكم يعني؟
ومتى ردوا عليكم
تكفون خبروني ..
يارب عونك ..

[مجروحه وتكابر]

حياتي انا اخترت انتظام بسس واخترت الترم الاول بسسس واخترت باقي الكليات بسسس

ياعمري مدري يوم قريت ردك هذااا احسس فرررررررحت كثيييييير الله يفرحك دنيا واخره ياربي

بجرب وبرد لككككك انزين ...

يالبى قلبكك والله

[جامعية بأذن الله]

السلام عليكم ..
بنات أرسل لموقع البوابة من إيميلي؟؟؟؟؟
ولا من وشو
كيف أرسلتوا لهم من إيميلاتكم يعني؟
ومتى ردوا عليكم
تكفون خبروني ..
يارب عونك ..

ياحبيبتي ارسلي من ايميلك ع الأيميل اللي حاطينه بموضوع درجة القدرات لم تقبل
بالنسبه للرد انا استنى ردهم للحين ماردو لي

موفقه يآرب

[جامعية بأذن الله]

حياتي انا اخترت انتظام بسس واخترت الترم الاول بسسس واخترت باقي الكليات بسسس

ياعمري مدري يوم قريت ردك هذااا احسس فرررررررحت كثيييييير الله يفرحك دنيا واخره ياربي

بجرب وبرد لككككك انزين ...

يالبى قلبكك والله

آآآآآآآمييييييييييين يآرب ويكمل فرحتك بالقبول ان شاء الله..
وان شاء الله تتيسر امورك..

[متــــــابع]

بسم الله الرحمن الرحيم

تحياتي ودعواتي بقبولكم في التخصصات اللي تبونها

من خلال متابعتي للمشكلة الحاصلة في التسجيل وهي اللي مرت فيها اختي نفس الشي

المطلوب منكن زيارة الرابط التالي :

http://www.qeyas.com/Qiyas/info/Default.aspx

ومن ثم اختيار ( الاستعلام عن النتائج ) والموجودة يسار الصفحة وملونه بالأحمر

بعدها تجيكم صفحة في النتائج واللي يهمكم الأولى والثانية فقط

اضغطي على الأولى وشوفي كم درجة الاختبار المسجلة

وثم اضغطي على الثانية وشوفي كم درجة الاختبار المسجلة لك

وفي كلا الخيارين يطلب منك السجل المدني وتضغطين عرض النتيجة وتجي في اسفل الصفحة

المعلومة اللي ذكرت هنا انه تسجل أعلى نتيجة وهي بتكون النتيجة المطلوب في درجة اختبار القدرات

لكن اختي طلع لها في درجة اختبار القدرات 62 ودرجة الاختبار التحصيلي 63

لذا عليكن باختيار درجة القدرات وليست التحصيلي وليست اعلى درجة فقط درجة القدرات والموجودة في رابط الموقع فوق

وتسجلونها هنا
http://w1.rgu-admit.net/PreCreateStudent.aspx

وعلى فكرة اللي ماتعرف وشلون تحط الرقم بس تسوي له كوبي وبيست يعني نسخ ولصق

وبإذن الله راح يفتح معاها الموقع لتقديم طلب تسجيل الرغبات


واتمنى دعواتكن ودعواتكم لي بظهر الغيب بالصحة والعافية والمعافاة الدائمة لنا ولكم

اخوكم
متابع

[متــــــابع]

السسسسسسسسسسلام عليكم

اناا قدمت ع البوابه الاكترونيه وكل شششششششششششششششششششي تمام

ماعدا الرغبات .. هو طلع لي الرغبات المتاحه مع درجاتي وعلما الرغبات المتاحه لي 27 بسسسسسسسسسس
ولما احط حفظ الرغبات يقول العدد اقل من المسموح وهو 30 .. كيف اجيب الباقي وهو مو مطلع لي الا 27 ومو راضي يقبل الا بـ 30 تكفون سسسسسسساعدوني والله شوي وببكي وتعبت وطفشت منه

قهرررررررررني ساعدوني بليز


اعيد واكرر مو مطلع لي الا 27 رغبه ويبي مني 30 كيف ازيدهم وهو مالي مجال !!!!!!!!!!!!!!!


بليز لاتتركوني كذا

اسسسسستني الرد



اختي مجروحة الله يبعد عنك الجروح

انتي لما تختارين بالتحديد ( يعني تحددين خيار انتظام او انتساب او جامعة معينة او اي شي

في خانة نوع الدراسة اختاري الكل ...ولا تحددين انتظام او انتساب
في خانة الدرجة العلمية اختاري الكل وليس بكالوريوس او دبلوم
في خانة الفصل الدراسي اختاري الكل وليس الاول او الثاني
اما في خانة الجامعة فأكيد الكل مختار الكل وليست جامعة محددة

بكذا انتي بتفتحين جميع التخصصات واللي بتوصل 38 تخصص وهذا في حال اخترتي باقي الكليات وليست الصحية معاها

اما لو وحدة اختارت الصحية وباقي الكليات فبتظهر لها 50 تخصص زي ماجات رسايل للبعض بعد مااختارو الرغبات الــ30 المطلوبة
الكمبيوتر كمل الباقي حسب تتابع الجامعات


اتمنى اكون افدتك اختي وافتكن جميعاً


تحياتي

سبحان الله وبحمده سبحان الله
واستغفر الله واتوب اليه

[متلخبطييين]

بناااات ليه محد رد علي

انا سجلت وجتني رساله وكل شي بس ..

مشكلتي في نسبة الثانوي

يفرق اذا حطيت نسبتي 99.40 أو 99.4

لأن النظام كاتبها هو 99.4

مع اني حسبت النسبه كذا وكذا لكن لا يوجد فرق ..

افيدوووني جزيتم خيراً

[جامعية بأذن الله]

متاااااااااااااابع

رووووح ياشيخ الله يــــــــــسعدك ويوفـــــــــــــقـــــــــكـ
دنيـــــــــــــا وآآآآآآآآآآآآآآآخــــــــــره يآآآآرب
الحمد الله انحلت الأزمه
بس انا سمعت شي بغى يوقف قلبي يقولون انه اللي سجلوا امس انلغى تسجيلهم عشان سجلوا قبلها بيووووم
صح هالكلام ولا لا الله يخليكم جاوبوني وكمان قالوا ان الخبر بجريدة الرياض
وانا دخلت ع الموقع الألكتروني حق الجريدة وفصفصته حته حته ومالقيت شي عن الخبر هذا
وش السواااااة...

[فاطمه المسعود]

السلام عليكم يا استاذه الجوهره والسلام عليكم جميعا والسلام على من اتبع الهدى

سويت جميع الطرق ولكن مع الاسف كل محاولاتي مع نظام القبول الالكتروني الموحد تعطيني اجابة

(ان نتيجة اختبارك غير صحيحه الرجاء ادخال درجة الاختبار الصحيحه)

كتبت درجة القدرات وعطاني خطا

كتب درجة التحصيلي وعطاني خطا

كتبت اعلى درجه فيهم وعطاني خطا

كتب اقل درجه فيهم وعطاني خطا

مع العلم ان سجلي المدني صحيح

مع العلم ان رقم الاشتراك صحيح ايضا

مع العلم ان كل كود للصوره قمت بادخالها بطريقه صحيحه وسليمه

ومع كل ذلك يتم الفرض

ممكن افهم وش السبب؟؟

ممكن تجدون حل لمشكلتي!!

ولكم جزيل الشكر والامتنان

[نوره السالم]

ياناس عيى يفتح معي احاول اكتب الدرجه مارضي
يكتب ردجات الطالب غيره صحيحه

[نوف عبدالرحمن]

أنآ كمآن نفس المشككلة

[نوف القحطاني]

السلام عليكم ورحمة الله وبركاته استاذه الله لايهينك
انا خريجة قسم علمي واخترت صحيه وباقي الكليات وعندي بعض الاسئله اذا ممكن تفيديني في اقرب وقت ممكن
س1-اذا ماانقبلت في الكليات الصحيه يلزمني الرجوع والتسجيل مره اخرى في باقي الكليات ام لا ؟؟

س2-عندما دخلت لاختيار الرغبات وجدت في العامود الايسر المخصص لملئ رغباتي ثلاث رغبات موجوده هل هي موضوعه لتوضيح مكان وضع رغباتيي ام هي موجوده لانها توافق نسبتي ويمكن ان اقبل فيها ؟؟

س3-ماهي اقل نسبه مركبه للقبول في السنه التحضيريه في جامعة الملك سعود؟؟

[نوف القحطاني]

بنات لو سمحتوا مين دخلت صحيه وباقي كليات وطلع لها ثلاث رغبات موجوده في العامود الايسر وهي مابعد اختارت شيء؟؟؟

[نوف عبدالرحمن]

تكفوون وش الحل .. الف مرة دخلت نسبة التحصيلي ويطلع لي خطآ

[اورنج]

بنـآآت..
أنا اخترت الرغبات و بعد ما حفظتها .. سجلني خروج..
و بعدها سجلت دخول ورحت للرغبات بشوف حفظها ولا لا.. لقيتها فاضيه ما كني عبيتهم بسس ع طول انتقلت للإستبيان و ما عدت الرغبات!!
اللحين رغبات ثبتت ولا اعيد اختارها :( ؟؟؟


انا صار لي نفس الشي وعدتها مرة ثانية
وما جتني رسالة على الجوال اللي قلتيها
حاولت وماصار شي ما جاني شي

وش اسوي
وجزاك الله خيـــــــــر

[نوره السالم]

نفس حالت نوف عي يدخلني ع الموقع
يعني ادخل النسبه ويطلع خطاء

[جميله الحربي]

ياناس انا مختبره قدرات قبل سنتين هل اقدر اسجل السنه ذي في الجامعات مع العلم اني كل ماجيت اسجل يقولي
درجة القدرات غير مطابقه ارجو ان احد يساعدني

[نوره السالم]

بنات هاه بشروني فتح معكم
عيى يفتح معي

[بـنـت]

بنات من عندها مشكله في التسجيل من خريجات 1429 ترسل لـ rgu@ksu.edu.sa
أرسلي اسمك و سجلك المدني و تفاصيل مشكلتك واذا ماردوا عليكم ارسلوا مره ثانيه و وضحوا المشكله اكثر وارسلوا اكثر من مره ان شاء الله تنحل مشكلتهم

بالتوفيق لكم

[متلخبطييين]

بنات اللي لقت الرغبات مو موجوده تعيد تسجيل الدخول وتعيد الرغبات من اول

وبعدين لازم يجيها رساله ع الجوال

انا سويت كذا وضبط

[مجروحه وتكابر]

متاااااابع .. مشششششششششششكور ويعطيك ربي الف عافيييييه انت وجامعية باذن الله ..

سويت اللي قلتو لي عليه والحمدلله كل ششششششششششششي ضبططططط معاي ..

بس لما سويت حفظ الرغبات جتني رسساله ع جوالي ..~

تم حفظ رغباتك في برنامج باقي الكليات وعددها .. 38 ..~ مو 50 . .!!!!!!

انتو قلتو راح يكملها البرنامج لـ 50 وتجيك رسساله بانهم 50 بس ماجتني الا38 .


يعني في خطا ولا صح !!!!!

[الحنوونه]

درجات الطالب غير صحيحة بعد مقارنتها مع البيانات الواردة من المركز الوطني للقياس و التقويم في التعليم العالي

وش سالفه كل ماااسجل مورضي يقابل الرقم
ارجو الرد بسرعه

[طآلبة]

انا ابي اسجل في كلية المزاحميه وحريملاء

كيف اسجل فيها ..؟!

مادري اذا مكان سؤالي هنا والا لا بس بليييز اللي تعرف ياليت ترد علي ..^^

[طآلبة]

وينكمممممم بلييز احد يرد علي ..!!

[أحلام و أوهام]

اكتبي درجة القدرات الاعلى في اي فترة

[أحلام و أوهام]

عندي سؤال و تكفون جاوبوني.......
التسجيل في كلية العلوم الطبية التطبيقية تابع للقبول الالكتروني الموحدأو مستقل لوحده........

[نوره السالم]

الي فهمته انالاني خريجة 1429
مافتح معي لان قدراتي انتهت
غريبه مع انهم يقولون ثلاث اسنين

[أحلام و أوهام]

الله يخليكم ردو علي قبل ما تقفل بوابة القبول للتخصصات الصحية........
اذا كان التسجيل مستقل لوحده ,فأنا كيف أسجل......

[رزانـ]

لا مو مستقل ..مع البرنامج الموحد للكليات الصحية في سعود
تدرسين سنة تحضيرية بعدبن تختارين


فهمتي

[رزانـ]

متى بالضبط بتسكر البوابة.؟؟؟؟؟

[مجروحه وتكابر]

رزان اليوم بتقفل البوابه .. 10 / 8 ..~ للكليات اللي تتطلب مقابله ششخصيه ..

والبوابه بتتقفل نهاااااائيا بتاريخ 18 /8 لكافة التخصصات ..~

(((( بناااااااااات لما اختبرتوا اخر اختبار قياس وتحصيلي .. وزعوا عليناا كتتتتتب اسمه دليل القبول الالكتروني الموحد للطالبات في الجامعات الحكوميه بالرياض ))))

تراااااااه مرررررررا مهم وفيه اشياء مرا كويسسسسسه ممكن تسسساعدكم :)

والله يوفقكم ..~

[رزانـ]

تسلمي

[أحلام و أوهام]

مشكورة على الاجابة...
طيب لو سمحتوا أنا لما سجلت الرغبات طلعلي كلية الطب و التمريض بس ما طلع كلية العلوم الطبية التطبيقية.......ليش؟؟؟؟؟؟
الله يوفق الجميع/:.....

[أحلام و أوهام]

يا استاذة الله يوفقك..... قوليلي التسجيل في كلية العلوم الطبية التطبيقية تابع للقبول الموحد أو مستقل و إذا كان مستقل كيف أسجل و إذا كان تابع ليش ما طلع لي في الرغبات...
الله يوفق الجميع...

[رزانـ]

الطب والتمريض للحرس <<الحرس للبنات عندهم بس طب وتمريض

العلوم الطبية تبع البرنامج الموحد حق سعود

[رزانـ]

والبرنامج الموحد في سعود فيه طب بشري وصيدلة واسنان وعلوم طبية

[مروه محمد]

جاوبوني الله يرضى عليكم باسرع وقت

انا كل مااكتب الرغبات واحط حفظ يسوي لي خروج دايركت ولمن ارجع افتح مره ثانيه احصله ماحفظ لي الرغبات !!

ولا جاني مسج ولا شئ

سويت دخول وكتبت الرغبات 4 مرات في اوقات متفاوته ونفس الشئ كل مااحط الرغبات واروح لحفظ يسوي خروج من نفسه ..

تعبت والله العظيم واخاف يروح التسجيل علي ..

قولوا لي وش اسوي

جزاكم الله خير

[مروه محمد]

خلاص الحمد لله ضبط قلت هذي اخر مره اسويها اليوم تعبت عيوني مرره :(
ياليت عاد انقبل بالقسم اللي حطيته اول رغبه على هالتعب اللي تعبته :)


حاولوا وحاولوا لحد مايقبل وان شاء الله ينقبل

بالتوفيق للجميع

[حلوه بطيبتي]

الله يعافيك يااستاذه ردي على سؤالي انا بياناتي كامله بس كل مااضغط موافق مكتوب بالعلامة الحمراء برجاء ادخال السجل المدني للام ومافيه اي خانه مع اني سعودية الام والاب
ياليت تجاوبيني قبل ماتقفل البوابه لان فاتني التسجيل السنة اللي راحت وابي اسجل هالسنة الله يوفقك يارب دنيا وآخره

[نورة مم]

السلام عليكم ابي احد يرد علي استفساري
,مره محتاره في موضوع ونزلت سؤالي بس محد رد اللي هو :

اختي تخرجت من الثانويه وقدمت على جامعات الرياض وفتح اليوم تسجيل جامعه الخرج

عادي تسجل في ولا بيتعارض مع تسجيلها في جامعه الرياض مع ان للحين ماطلع قبول ولاشئ

بلييز ابي جواب وثانكس

[أثير عبد العزيز]

احط درجه القدرات يقول لي الموقع غير صحيحه ، ليييييييش ؟ :(

احد يفيدني الله يخليكم ، علما بأني من خريجات 1429

[عمر الزمن غير]

الله ياخذ البوابه كانها فجرت روسنا وسببت مشاكل

[ام بندر]

السلام عليكم ,,

الله يجزا اللي ترد علي الف خير...انا متخرجه من الثانوي لي 3 او 4 اختبرت اختبار وزاره..و ما اختبرت قياس
الحين جيت بسجل قال لازم قياس
هل اقدر اسجل بدون ولا لا؟

[شليوط]

الرجاء المساعدة اناخريجة 1431 توني متخرجة وسجلت عن طريق النت والحمدلله والشكر امور تسجيلي تمام وامس دخلت على الموقع ولقيت
تم الانتهاء من الترشيح للمقابلات الشخصية
لمعرفة نتيجة الترشيح أدخلي على حسابك للتعرف على موعد ومكان المقابلة الشخصية
علماً أن المقابلات تتم بشكل يومي من الساعة 7:00 إلى الساعة 9:30 صباحاً ومن الساعة 12:00 إلى الساعة 1:30 ظهراً
غير المرشحات تظهر لهن صفحة الرغبات ويمكنهن إعادة ترتيب رغباتهن للمنافسة على بقية الكليات
سؤالي وش المقصود أرجوا الردولكم مني كثير الدعوات في اواخر الليل

[نوره السالم]

السلام عليكم ,,

الله يجزا اللي ترد علي الف خير...انا متخرجه من الثانوي لي 3 او 4 اختبرت اختبار وزاره..و ما اختبرت قياس
الحين جيت بسجل قال لازم قياس
هل اقدر اسجل بدون ولا لا؟







هلاوالله حبيبتي ام بندر ياحياتي لازم اختبارالقدرات والتحصيلي
عشان تسجيلن بالجمعات لان خلاص الحين صاراختبارالقياس اهم شي للقبول في الجامعه
حاولي انك تكلمين مركزالقياس وتسئلينهم متى موعداختبارالقدرات والتحصيلي عشان يمديك تتمحنين وتسجلين
ووتكفين ادعليي يقبلوني في القسم الي ابيه ويصيرالقبول بسهاله
الله يوفقنا

[نوره السالم]

احط درجه القدرات يقول لي الموقع غير صحيحه ، ليييييييش ؟ :(

احد يفيدني الله يخليكم ، علما بأني من خريجات 1429








هلاوالله حياتي اثيرشوفي ارسلي ايميل على هالبريدrgu@ksu.edu.sa
بالخطاء وراح يسرلون لاني ارسلت وردولي بقدراتي

[روآن]

مشكورين

والله يوفق الجميع ,, =)

[نوره السالم]

واجهتني مشكله يوووووووووووووه
ياكثرماعدلت في الرغبات
واخر مره انحفظت بس ماارسلو
يعني كيف احفظوها ولالا

[دنيا عجب]

×?°السلام عليكم ورحمه الله وبركاته:
لو سمحتوا انا سجلت بجامعه الملك سعود للعلوم الصحيه كرغبه اولى لكن لالاسف لم يتم قبولي.....وكنت حاطه ترتيب الجامعات ان جامعه الملك سعود هي الاولى لكن سؤالي هو:هل ترتيب الجامعه يؤثر على الرغبه لاني بصراحه ودي ادخل جامعه الاميره نوره وكنت حاطتها بالترتيب الثاني؟؟؟؟؟؟؟×?°