سحب ملف وتقديم من جديد (استاذه جوهره رجااء ادخلي)

[باونتي]

السلام عليكم ورحمة الله وبركاته.......

انا طالبه قسم فرنسي جامعة الملك سعود ودي اغير التخصص ولو في اي جامعه

وقريت انه لازم اسحب ملفي خااااااااااااااايفه لو سحبت يكون التحديث للبوابه قديم فيكون عندهم اني مازلت منتسبه للجامعه مع اني انسحبت "لم اسحب بعد هل اسحب ام انه فاتني السحب"

ملاحظه " ما اختبرت قدرات هذي السنه"

رجااااااااااااااااااااااااااااااااااااااء تجاوب الي تقدر تفيدني باسرع وقت



والله اني ميته حيره

[Maha.]

اهلين اختي، انا بقولك اللي أعرفه لكن لا تعتمدين على كلامي لأني مو متأكدة بس حبيت أحاول أساعدك شوي

تقدرين تسحبين ملفك من الجامعة، بس مدري هل فات وقت السحب أو لأ

واذا سحبتي ملفك تقدرين تقدمين عالبوابة من جديد وتنقبلين في جامعة ثانية غير جامعة الملك سعود اللي طلعتي منها،

وبالنسبة لتحديث البوابة، اتذكر العام البنات اللي سحبوا ملفاتهم من الجامعة وراحوا يسجلون عالبوابة، كان يطلع لهم رسالة انو أنتي لا زلتي طالبة منتسبة في احدى الجامعات ويرفض تسجيلهم، لكن بعد ايام عدلوا هالمشكلة واتوقع حدثوا بيانات البوابة وقدروا البنات يسجلون من جديد

وأما اختبار القدرات والتحصيلي فهو اجباري وشرط أساسي، ماراح تقدرين تسجلين عالبوابة بدون اختبار القدرات والتحصيلي، ومو لازم تكونين مختبرته هالسنة، لو كنتي مختبرته العام او قبل العام عادي ينفع تسجلين بدرجاتك القديمة،

اختي انا ما ادري وش ظروفك، لكن ما انصحك انك تجازفين وتسحبين ملفك؟ لأن ماشاءالله قسمك وجامعتك حلوين، واذا ماتبين الفرنسي قدمي تحويل الترم الجاي وحولي على أي قسم ثاني في جامعة سعود، لأن القبول الالكتروني ماتضمنينه واذا سحبتي ملفك من سعود ماتقدرين ترجعين لها ابد! استخيري كثير واكثري من الاستغفار

الله يوفقك ويفرج عليك، واعذريني اذا ماقدرت أفيدك لأن انا ماعندي خبرة بهالاشياء ومو متأكدة من معلوماتي بس ان شاء الله تجي وحدة من المشرفات هنا وتساعدك

[باونتي]

جزاك الله خير وان شاء الله يكون في ميزان حسناتك

[الجوهره عبدالله بن باز]

عزيزتي ,, باونتي
الطالبة التي سحبت ملفها قبل 15/ 7 /1431 يحق لها التقدي على جامعة أخرى غير التي سحبت منها,,,,