مشرفآت جآمعة الملك سعود..من فضلكنّ=)

[فنآر]

السلام عليكم ورحمة الله ..
أحب استفسر بخصوص نتائج القدرات والتحصيلي ..هل هناك اتفاق مسبق من قبل البوابة ومركز قياس
ام لا ؟!
علما بأنه تم اعلان موعد النتائج بعد اسبوعين من اخر اختبارات المركز ..؟! وهذا
يتواكب مع مواعيد التسجيل ..

ثانيآ:
مثلا انا سجلت في التربية الخاصة وحدث اكتفاء في القسم من ثاني يوم ..
كيف اعرف هل انا قبلت ام لا لكي يتسنى لي ترتيب رغباتي من جديد ..

؟؟
والسلام عليكم ورحمة الله وبركاته ..

[فنآر]

سؤال اخر ...
ماهو عدد الرغبات التي تؤخذ بعين الاعتبار هل هي الرغبات الثلاث الاولى ام الخمس الاولى ؟!
شكرا

[Maha.]

ايه نعم، فيه اتفاق مسبق من قبل البوابة ومركز قياس،
مركز قياس يرسل جميع النتايج لبوابة القبول الالكتروني وتكون منرصدة وجاهزة هناك،

و جميع الرغبات تؤخذ بعين الاعتبار، هم يمشون بالترتيب على حسبك نسبتك، يعني ياخذون الرغبة الاولى واذا نسبتك تأهلك للقبول في هالرغبة يقبلونك فيها واذا نسبتك ما تأهل يروحون عالرغبة الثانية وهكذا حتى يوصلون للقسم اللي يقبلونك فيه واختي مايحصل اكتفاء ولا شيء، لأن البوابة تفتح 10 أيام وخلال هالفترة كلن يسجل ويحط رغباته لكن لسه مايبدون يقبلون احد، اذا قفلت البوابة في تاريخ 18/8 يبدأون يفرزون النتائج ويطلعون جميع نتائج القبول مرة وحدة في تاريخ 20/8

عالعموم ما عليك من هالحوسة، انتي كل اللي عليك انك ترتبين جميع الاقسام على حسب رغبتك، يعني الأقسام اللي حابة تنقبلين فيها حطيها بالرغبات الأولى والاقسام اللي ماتبينها حطيها بالاخير وكذا يعني، احرصي على ترتيب رغباتك بالشكل اللي يناسبك واللي ودك فيه يعني لا ترتبينهم عشوائي، رتبيهم على حسب ميولك

بالتوفيق

[فنآر]

شكرا يالغلا ..
بس الان احنا اختبرنا اختبارين ..للقدرات
اي درجة حترصد؟!

[Maha.]

ياخذون درجة القدرات الأفضل،

يعني بالقدرات الاول خذتي 70 مثلاً، والقدرات الثاني خذتي 80

راح يرصدون لك الـ 80

[فنآر]

حلووووو
تسلمين مها
الله يجزاك الجنة يارب
مشكووره

[ريمي]

[مساعدة عاجلة

بسم اله نبدأ

السلام عليكم ورحمة الله وبركاته،

[ أتقدم بالشكر الجزيل لإدارة المنتدى والقائمين عليه .. ولكل الأعضاء والمشاركين..
وأتمنى ان يحفظكم الله ويكون في عونكم وعوننا ان شاء الله.

انا تخرجت من الثانوية العامة هذه السنه 1431هـ بتقدير ممتاز .. وهذه اول مشاركة لي.. في المنتدى ولا ادري كيف اسجل .. وهل يسمح لي بالتسجيل وعندي الرغبة الأكيدة في دراسة أي شيء يعني أي تخصص .. المهم يكون بعيداً عن الأختلاط في العمل مستقبلاً .. وارغب في مساعدتكم لي وتقديم النصيحة واضاءة الطريق لي بخبراتكم وتقديم مساعدتكم لي .. وأطلب ممن يهمه الأمر ومن ذوي الخبرة والأختصاص ان يوجهونني بالتوجيه الأفضل علما بأنني وللأسف لست (سعودية) ولكنني وجميع اخواني من مواليد السعودية ووالدي مقيم في المملكة منذ 35 سنه .. ..وأرغب في مساعدتكم لي .. والله يحفظكم

والسلام عليكم ورحمة الله وبركاته.

[الجوهره عبدالله بن باز]

عزيزتي ريمي / يمكنك التقديم على كلية الدراسات التطبيقية وخدمة المجتمع في جامعة الملك سعود( دبلومات ) برسوم مالية أو متابعة موقع جامعة الملك سعود / عمادة القبول والتسجيل إذا كان هناك تقديم لغير السعوديات ,, وبالتوفيق إن شاء الله ,,